སྐབས་དྲུག་པའི་རྒྱུན་ལས་གསར་འདེམས།

ཕྱི་ལོ་ ༢༠༡༣ ཟླ་ ༩ ཚེས་ ༢༩ ཉིན་བོད་ཀྱི་དགུ་བཅུ་གསུམ་ཚོགས་པའི་ཚོགས་ཆེན་ཐེངས་དྲུག་པའི་ཉིན་གསུམ་པར་ཚོགས་མི་རྣམས་ཀྱིས་འོས་འདེམས་ཀྱི་ལམ་ནས་སྐབས་དྲུག་པའི་རྒྱུན་ལས་དང་། ཚོགས་གཙོར་ས་རྭ་མཐོ་སློབ་ཀྱི་བརྡ་སྤྲོད་སློབ་དཔོན་པ་སངས་ཚེ་རིང་ལགས་འོས་འདེམས་བྱུང་བ་དང་བསྟུན།

བོད་དོན་ཞུ་གཏུགས་ལས་འགུལ།

ཕྱི་ལོ་ ༢༠༡༤ ཟླ་ ༠༣ ཚེས་ ༡༩ དང་ ༢༠ ཉིན་རིང་ལྡི་ལི་གསར་བ་ནས་རྒྱལ་སྤྱིའི་བོད་དོན་འབྲེལ་མཐུད་ལས་ཁུངས་དང་བོད་ཀྱི་དགུ་བཅུ་གསུམ་ལས་འགུལ་ཚོགས་པ། བོད་ཀྱི་བུད་མེད་ལྷན་ཚོགས་དང་རྒྱ་གར་བོད་རང་དབང་སློབ་ཕྲུག་ཚོགས་པ་ཐུན་མོང་གི་ངོས་ནས་བོད་དོན་ཞུ་གཏུགས་སྤེལ་སྐབས།

རྒྱལ་སྤྱིའི་བོད་དོན་འབྲེལ་མཐུད་ཀྱི་ཚོགས་འདུ།

ཕྱི་ལོ་༢༠༡༤ཟླ་༠༣ཚེས་༡༤ནས་ཚེས་༡༦བར་རྒྱ་གར་རྒྱལ་ས་ལྡི་ལི་བོད་སྒར་བསམ་ཡས་གླིང་གི་མདོ་ཁམས་ཆུ་བཞི་སྒང་དྲུག་ཚོགས་ཁང་ནང་དུ་རྒྱལ་སྤྱིའི་བོད་དོན་འབྲེལ་མཐུད་ལས་ཁུངས་ཀྱི་ཨེ་ཤ་ཡའི་ཚོགས་འདུ་ཐེངས་བཞི་བར་དྲུང་ཆེ་རྨེའུ་དཀོན་རྒྱམ་ལགས་དང་སློབ་སྤྱི་ངས་པོ་རྒྱལ་མཚན་ལགས་གཉིས་མཉམ་ཞུགས་གནང་བ་མ་ཟད།

༢༠༡༤ལོའི་སུམ་བཅུའི་དུས་དྲན།

ཕྱི་ལོ་ ༢༠༡༤ ཟླ་ ༠༣ ཚེས་ ༡༠ ཉིན་བོད་མིའི་སྒེར་ལངས་སུམ་བཅུའི་དུས་དྲན་ ༥༥ ཉིན་གཞུང་འབྲེལ་མཛད་སྒོ་གྲོལ་རྗེས་བོད་ཀྱི་གཞོན་ནུ་ལྷན་ཚོགས། བུད་མེད་ལྷན་ཚོགས། བོད་ཀྱི་དགུ་བཅུ་གསུམ་ལས་འགུལ་ཚོགས་པ། བོད་རང་དབང་སློབ་ཕྲུག་ཚོགས་པ་བཅས་ཀྱིས་གོ་སྒྲིག་འོག ཐེག་ཆེན་གཙུག་ལག་ཁང་ནས་རྡ་ཤོད་ཀ་ཅ་རིའི་བར་སྐད་འབོད་ཞི་བའི་གོམ་བགྲོད་ལས་འགུལ་ལ་མཉམ་ཞུགས་གནང་མཁན་སྤྱི་འཐུས་ལས་ཐོགས་རྣམ་པ་དང་ཧིན་བོད་མཛའ་འབྲེལ་ཚོགས་པའི་སློབ་སྟོན་པ། སྐྱ་སེར་མི་མང་། སློབ་ཕྲུག གསར་འགོད་པ་བཅས་ཁྱོན་མི་མང་བཞི་སྟོང་ལྷག་འདུ་འཛོམས་བྱས་ཏེ་ཐང་སྟོང་གླུ་གར་ཚོགས་པས་བོད་ཀྱི་རྒྱལ་གླུ་བཏང་རྗེས་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་སྤྱི་ཁྱབ་དྲུང་ཆེ་རྨེའུ་དཀོན་རྒྱམ་ལགས་ཀྱིས་སུམ་བཅུའི་དུས་དྲན་ངོ་སྤྲོད་དང་འབྲེལ་ཐོག་མའི་དབུ་འབྱེད་གཏམ་བཤད་གནང་། དེ་རྗེས་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དྲུང་ཆེ་བཀྲ་ཤིས་ལམ་བཟང་ལགས་ཀྱིས་ཚོགས་པ་བཞིའི་སུམ་བཅུའི་དུས་དྲན་གྱི་བསྒྲགས་གཏམ་སྒྲོག་སྦྱོང་བྱས་ཤིང་བོད་ཀྱི་བུད་མེད་ལྷན་ཚོགས་སྤྱི་ཁྱབ་དྲུང་ཆེ་ཉི་མ་ལྷ་མོ་ལགས་ཀྱིས་དབྱིན་ཡིག་བསྒྲགས་གཏམ་སྤེལ། བོད་རང་དབང་སློབ་ཕྲུག་ཚོགས་པའི་ངོས་ནས་ཐུགས་རྗེ་ཆེ་མཇུག་སྡོམ་གནང་།

མཇུག་སྡོམ་མཛད་སྒོ།

ཕྱི་ལོ་ ༢༠༡༤ ཟླ་ ༠༢ ཚེས་ ༡༥ ཉིན་བོད་ཁྱིམ་སློབ་གྲྭ་ཁག་གི་གུང་སེང་དང་སྟབས་བསྟུན་ཟླ་བ་གཅིག་དང་ཕྱེད་ཀའི་རིང་བོད་ཀྱི་སྐད་ཡིག་ཟབ་སྦྱོང་དང་དེའི་ཞོར་དུ་བོད་ཀྱི་དུས་ཆེན་ཁག་དང་ཆབ་སྲིད་བཙོན་ཟུར་གྲགས་ཅན་སྟག་སྣ་འཇིགས་མེད་བཟང་པོ་མཆོག་གིས་གཙོས་ཆབ་སྲིད་བཙོན་པའི་གནས་བབ། བོད་མིའི་འཚོ་བའི་གོམས་གཤིས་སོགས་ངོ་སྤྲོད་ཞུས་རྗེས་མཇུག་སྡོམ་མཛད་སྒོ་སྟབས་བདེ་ཞིག་རང་རེའི་ཚོགས་པའི་འགྲེམས་སྟོན་ཁང་གི་འཚོགས་སྐབས་དྲུང་ཆེ་རྨེའུ་དཀོན་རྒྱམ་ལགས་ཀྱིས་མཛད་སྒོའི་དབུ་འབྱེད་ཀྱི་གཏམ་བཤད་གནང་རྗེས་ཚོགས་གཙོ་པ་སངས་ཚེ་རིང་མཆོག་གིས་ཟླ་བ་གཅིག་དང་ཕྱེད་ཀའི་རིང་གི་ཟབ་སྦྱོང་སྤྲོད་དགོས་པའི་དམིགས་ཡུལ་སྐོར་ནས་གསུང་བཤད་རྗེས་སློབ་མ་རྣམས་ལ་ཟབ་སྦྱོང་ལེགས་ཐོན་གྱི་ཕྱག་ཁྱེར་གནང་སྟེ་དུས་བབ་གསར་འགོད་པ་པདྨ་མཚོ་ལགས་སློབ་ཕྲུག་ཁག་ལ་ཟབ་སྦྱོང་གི་སྐོར་ནས་བཅར་འདྲི་ཞུས་སོང་།